यदि तपाईंले संयुक्त अरब इमिरेट्स (UAE) को भिसा चेक गर्न चाहनुहुन्छ भने, निम्न विधिहरू अपनाउन सक्नुहुन्छ:  

१. UAE को आधिकारिक वेबसाइटबाट भिसा चेक गर्ने तरिका: 

युएईको GDRFA (General Directorate of Residency and Foreigners Affairs) को वेबसाइटबाट युएईको भिसा चेक गर्न सकिन्छ । 

[Check Your Visa Status]

[Check visa by Passport Number]

👉 GDRFA  चेक गर्ने तरिका:
1. वेबसाइट खोल्नुहोस्।  
2. पासपोर्ट अनुसार Visa Status चेक गर्न विकल्पमा 'Application for reconsideration' मा टिक गर्नुहोस् ।  
3. तपाईंको [पासपोर्ट नम्बर, राष्ट्रियता र जन्मसाल AD मा] आदि आवश्यक जानकारी भर्नुहोस् ।  
4. Submit बटनमा क्लिक गरेपछि तपाईंको भिसाको स्थिति आफैले हेर्न सकिन्छ । 

ICA (Federal Authority for Identity and Citizenship) को वेबसाइटबाट भिसा चेक गर्ने तरिका: 

यदि तपाईंको भिसा UAE को अन्य राज्यहरू (आबुधाबी, शारजाह, अजमान, उम अल क्वैविन, फुजैराह, रास अल खैमा) को हो भने, तलको वेबसाइट प्रयोग गर्न सक्नुहुन्छ:  
ICA Smart Services - UAE Visa Status लिंक: https://icp.gov.ae/en/ 
👉 चेक गर्ने तरिका:
1. वेबसाइट खोल्नुहोस्।  
2. "Visa & Residency" सेक्शनमा जानुहोस् ।  
3. "Check Application Status" विकल्प रोज्नुहोस् ।  
4. तपाईंको [पासपोर्ट नम्बर, भिसा नम्बर, राष्ट्रियता] आदि विवरण राख्नुहोस् ।  
5. Submit बटनमा क्लिक गरेपछि तपाईंको भिसा स्थिति देख्न सक्नुहुन्छ ।  

UAE भिसाका बिभिन्न प्रकारहरु छन् ।  
✅  Employment Visa (रोजगार भिसा) – कुनै कम्पनी वा स्पोन्सर मार्फत दिइने भिसा ।  
अवधि: २ वर्ष वा कम्पनीको सम्झौता अनुसार हुन्छ । 

✅ Visit Visa (भ्रमण भिसा) – परिवार वा साथीहरूले स्पोन्सर गर्ने वा ट्राभल एजेन्टमार्फत पाउने भिसा । (वैदेशिक रोजगारमा जाँदा यस्तो भिसामा जानु हुँदैन ।) 
✅ Tourist Visa (पर्यटक भिसा) – ट्राभल कम्पनी वा एयरलाइन्समार्फत पाइने भिसा । (वैदेशिक रोजगारमा जाँदा यस्तो भिसामा जानु हुँदैन ।) 
अवधि: ३० दिनदेखि ९० दिनसम्म हुन्छ । 

✅ Residence Visa (बसोबास भिसा) – दीर्घकालीन बसाइका लागि पाईने भिसा। (वैदेशिक रोजगारमा जाँदा यस्तो भिसामा जानु हुँदैन ।) 
अवधि: २ बर्षदेखि १० वर्ष सम्मको हुन सक्छ ।  

✅ Freelancer Visa (फ्रिलान्सर भिसा) – आफैं व्यवसाय गर्न चाहने व्यक्तिका लागि । (वैदेशिक रोजगारमा कसैको प्रलोभनमा परेर यस्तो भिसामा जानु हुँदैन ।) 

युएईमा Overstay अर्थात भिसाको अवधि भन्दा बढी बसेमा Fine लाग्छ ।

पर्यटक भिसा सकिएपछि युएई बसेको खण्डमा प्रति दिन ५० AED अर्थात करिव १८०० नेपाली रुपैयाँ जरिवाना लाग्छ । यस्तो भिसा नवीकरण गर्न पनि सकिन्छ । जसको अधिकतम अवधि ६० दिन थप्न सकिन्छ । यस्तो भिसा म्याद सकिएपछि आफै रद्ध हुन्छ । 

बसोबास भिसा सकिएपछि प्रति दिन २५ AED अर्थात नेपाली ९०० रुपयाँ जरिवाना लाग्छ । 

रोजगार भिसा कम्पनीमार्फत नवीकरण गर्न सकिन्छ ।  

UAE को भिसा रद्द (Cancel) पनि गर्न सकिन्छ । जसको लागि रोजगार भिसा रद्द गर्न कम्पनीको अनुमतिसहित GDRFA वा ICA मा अनुरोध गर्नुपर्छ ।