वैदेशिक रोजगार: यी हुन् रोग निम्त्याउने कामहरु (Cause of diseases) 444 views
रोग निम्त्याउन सक्ने कमहरु निम्न छन् ।
कपडा उद्योग
लाग्न सक्ने रोगहरू: दम, टि.बी., ब्रोङ्काइटिक्स
अपनाउनु पर्ने सुरक्षात्मक उपाय: मास्क लगाउने ।
सीसा उद्योग
लाग्न सक्ने रोगहरू: धेरै तापका कारण लाग्ने रोगहरू
अपनाउनु पर्ने सुरक्षात्मक उपाय: चिसो पानी, कोल्डड्रिङ्क्स् धेरै खाने, नियमित रूपले नुहाउने, ग्लोब लगाउने ।
मरकरी उद्योग
अपनाउनु पर्ने सुरक्षात्मक उपाय: ग्लोब लगाउने ।
ग्रील उद्योग
आणविक भट्टी
युरेनियम प्रशोधन
एक्सरे क्लिनिक
स्काफहोल्डिङ
मेशिन अपरेटर
तेल प्रशोधन
ग्याँस प्रशोधन
विषादि उत्पादन उद्योग
पाम आयल सङ्कलन
रोग लाग्न सक्ने अरू कामहरू तल दिइएका छन् :
- पेट्रोल खानी, यसको प्रशोधन र भण्डारण
- सेरामिक्स
- कपडा रङ लगाउने
- वेल्डिङ र इलेक्ट्रो कोडिङ
- मसी उद्योग
- म्यागनिजको खानी
- पेन्टिङ
- छालाको सामान बनाउने
- सिलेवर र अरू धातुको काम
- ड्राइसेल ब्याट्रीको उद्योग
- मल कारखाना
- स्टिल उद्योग
- कीटनासक औषधी कारखाना
जोखिम छ भनेर जुनसुकै कामसँग डराउनु पनि हुँदैन । त्यसो गर्न थाल्यो भने सबै कामलाई जोखिमपूर्ण छन् भन्न थालिन्छ । मानिस सधैं स्वस्थ नै रहिरहन्छ भन्न सकिँदैन । आफ्नै कारणले बिरामी हुन पनि सकिन्छ । आफूले गर्ने कामको प्रकृति हेरेर त्यसले शरीरमा पार्न सक्ने असरलाई मध्यनजर राखी सुरक्षाका उपायहरू अनिवार्य रूपमा अपनाउनु पर्छ । कन्स्ट्रक्सन अन्तर्गत काम गर्नेले हेलमेट र बुट, कपडा उद्योगमा काम गर्नेले मास्क, ग्रिल उद्योगमा काम गर्नेले चस्मा लगाउनु यसका उदाहरणहरू हुन् ।
काम गर्दा हुन सक्ने दुर्घटनाबाट बच्न निम्नानुसारका सावधानीहरू अपनाउन भुल्नु हुँदैन :
- सुरक्षा नियमहरूको पालनामा हेलचेक्र्याइँ नगर्ने ।
- काम गर्ने स्थानमा भिडभाड नगर्ने र गर्न नदिने ।
- राम्ररी निरीक्षण गरेर ठीक छ भन्ने यकिन गरेर मात्र मेशिन चलाउने ।
- सुरक्षा व्यवस्था गरेर मात्र मेशिन चलाउने ।
- नजानेको उपकरण नचलाउने ।
- चनाखो रहने, अल्छी नबन्ने ।
- दुर्घटनाका छेकबारहरू प्रयोग गर्ने ।
- मेशिन चलाउँदा अरू कुरामा ध्यान नदिने ।
- खुट्टा जोडेर, घुँडा जोडेर मेशिन चलाउने वा भारी उचाल्ने काम नगर्ने ।
प्राथमिक उपचार
वैदेशिक रोजगारमा गएर काम गर्दा दुर्घटनामा आफू र सहकर्मी साथीहरू पर्न सक्छन् । आफू घाइते भएर साथीहरूबाट आफ्नो प्राथमिक उपचार गराउँदा र आफूले साथीहरूको गर्दा निम्न कुरामा ध्यान दिनुपर्ने हुन्छ :
- घाइतेको प्राथमिक उपचार गर्नुपूर्व आफ्ना हातमा ग्लोब लगाउनु अनिवार्य रूपले पर्छ । नत्र भने एच आइ भी संक्रमणको जोखिम हुन्छ ।
- घाउमा दिसा, पिसाव, एसिड, टिचर आयोडिन, माटो, हिलो प्रयोग गर्नु अत्यन्तै डरलाग्दो हुन्छ । रगत रोक्नका लागि मान्छेहरूले त्यसो गरेका घटनाहरू प्रशस्तै छन् । सेप्टिक, टिटानस, क्यान्सर हुने सम्भावना यस्ता व्यवहारहरूले निम्त्याउँछन् ।
- ग्लोब लगाएर सफा पानीले घाइतेको घाउ धोएर, सफा कपडाले घाउ बाँधेर अस्पताल वा अरू नै उपचार केन्द्रमा लानु पर्छ ।
- सफा पानीले धोएर पट्टी बाँध्दा रगत रोकियो भने त्यसले पछि हुने उपचारका लागि आधारशीलाको काम गर्छ ।
- आफैँ वा रोजगारदाताका तर्फबाट (कम्पनी मालिक वा म्यानेजरसँग सल्लाह गरेर) प्राथमिक उपचार बाकस कार्यस्थलमा राख्नु अनिवार्य हुन्छ ।
Call Us
-Location
-
